ភ្នំពេញៈ បុរី ណាឌីជឿជាក់ថាពាក្យស្លោក នៃគម្រោងរបស់យើង “ទីចាប់ផ្ដើមនៃលំនៅឋានរបស់លោក អ្នក” មានអត្ថន័យលើសពីការសាងសង់ផ្ទះ ដែលផ្ទះ គឺជាទីចាប់ផ្ដើមនៃដំណើរជីវិតរបស់មនុស្ស យើងជឿជាក់ថាផ្ទះគឺជាទីតាំងដ៏សំខាន់បំផុត សម្រាប់បង្ហាញថាអ្នកជាអ្នកណា។
យើងរក្សានូវគុណតម្លៃនេះនៅក្នុងបេះដូងរបស់យើង ដើម្បីបង្កើតនូវគេហដ្ឋានណាឌីដែលមាន ដូចជា វីឡាភ្លោះ វីឡាកូនកាត់ និងផ្ទះអាជីវកម្មសម្រាប់ពេលអនាគតរបស់របស់អតិថិជន។
គ្រប់គេហដ្ឋានទាំងអស់របស់បុរី ណាឌីត្រូវបានសាងសង់ឡើង ប្រដូចទៅនឹង “រចនាសម្ព័ន្ធនៃ គ្រួសារ” ដំបូល និងគ្រឹះនៃគេហដ្ឋានមានភាពរឹងមាំ ដែលធានាបាននូវជំហរដ៏រឹងមាំនៅគ្រប់បរិយាកាស ដែលហាក់បីដូចជាមាតាបិតាដែលជាសសរស្ដម្ភ រក្សាសុវត្ថិភាព និងសុភមង្គលក្នុងក្រុមគ្រួសារ។ បន្ទប់ទទួលភ្ញៀវ ត្រូវបានរចនាឡើងឲ្យមានភាពធំទូលាយដើម្បីស្វាគមន៍ នូវការជួបជុំ និងពេលវេលា ដ៏មានតម្លៃនៃក្រុមគ្រួសារ។ ពន្លឺធម្មជាតិ ដែលចាំងចូលមកតាមកញ្ចក់បង្អួច ដ៏ធំទូលាយផ្ដល់នូវសុភមង្គល និងភាពកក់ក្ដៅ ដល់អ្នកដែលរស់នៅខាងក្នុងទាំងអស់។
ផ្ទះបាយត្រូវបានរចនាឡើង ជាមួយនឹងមុខងារសម្រាប់ឲ្យអ្នកគ្រប់គ្នា អាចប្រើប្រាស់បាន។ បង្អួច ត្រូវបានបង្កើតឡើងសម្រាប់ឲ្យខ្យល់ក្ដៅ បក់ចេញក្រៅព្រមទាំង ព្រមទាំងរក្សានូវបរិយាកាស បរិសុទ្ធបន្ទាប់ពីចម្អិនអាហារពេញមួយថ្ងៃរួចមក។
កន្លែងទទួលទានអាហារ ច្នៃប្រឌិតសម្រាប់ឲ្យគ្រប់ក្រុម គ្រួសារទទួលស្វាគមន៍សមាជិក និងមិត្តភក្ដិមកចូលរួមកម្មវិធីពិសេសៗ ជាមួយនឹងទីធ្លាដ៏ធំទូលាយ សម្រាប់ការកម្សាន្តផ្សេងៗទៀត។
រាល់បញ្ហា និងភាពស្មុគស្មាញ នៅកន្លែងការងារនឹងត្រូវបំភ្លេចចោល ពេលដែលយើងបើកទ្វារ ចូលទៅបន្ទប់គេង ដោយសារតែទីនេះឌីហ្សាញសម្រាប់ឲ្យម្ចាស់លំនៅឋានមានអារម្មណ៍ធូរស្រាល និងស្ងប់ស្ងាត់។ បន្ទាប់ធ្វើការពេញមួយថ្ងៃ ហើយចូលទៅកាន់បន្ទប់គេង លោកអ្នកនឹងទទួលបាននូវថាមពល និងអារម្មណ៍ដ៏ធូរស្រាលពេញមួយថ្ងៃ។ បុរី ណាឌីជឿជាក់ថា ការរស់នៅប្រកបដោយផាសុខភាព ចាប់ផ្ដើមពីការទទួលទាននូវដំណេកបានគ្រប់គ្រាន់ បន្ទប់គេងបានរចនាឡើងដោយបញ្ជៀស នូវការរំខានដោយស ម្លេងផ្សេងៗ នៅពេលដែលលោកអ្នកទទួលទានដំណេក។
ល្ងាចថ្ងៃអាទិត្យ អាចជាពេលដែលលោក អ្នកធុញទ្រាន់បំផុត ប៉ុន្តែសម្រាប់គេហដ្ឋានណាឌី គ្មានអ្វីដែលមិនអាចទៅរួចនោះទេ ព្រោះយើងផ្ដល់ជូននូវជាន់លើបង្អស់សម្រាប់ឲ្យលោកអ្នក ស្រស់ស្រាយជាមួយនឹងបរិយាកាសពេលល្ងាច និងខ្យល់បរិសុទ្ធបក់ចេញពីសួនផ្កាសាគូរ៉ាបែបខ្មែរ របស់យើងនៅលើដំបូល។
យ៉ាងណាក៏ដោយ “ឮមួយពាន់ដង មិនស្មើរនឹងបានឃើញម្ដង” ភាពប្លែកពីគេនៃគេហដ្ឋានណាឌី កាន់តែមានភាពទាក់ទាញប្រសិនបើអ្នកឃើញផ្ទាល់ភ្នែក។ បុរី ណាឌីនឹងប្រារព្ធពិធីបញ្ចុះបឋមសិលា បើកការដ្ឋានសាងសង់គម្រោងបុរី ណាឌីនៅក្នុងខែកក្កដា ឆ្នាំ 2021 នេះ។ បុរី ណាឌី មានកិត្តិយសក្នុងការអញ្ជើញភ្ញៀវកិត្តិយស មកចូលរួមកម្មវិធីដ៏មានអត្ថន័យនេះ ដើម្បីស្វែងយល់បន្ថែមពីគេហដ្ឋានថ្មីដ៏ កក់ក្ដៅរបស់លោកអ្នកនាពេលអនាគត។
សម្រាប់ព័ត៌មានបន្ថែមអំពីបុរី ណាឌីសូមចូលទៅកាន់គេហទំព័រហ្វេសប៊ុក របស់យើង៖
បញ្ចប់
ក្រុមហ៊ុនGCC គឺជាក្រុមហ៊ុនវិនិយោគ ដែលមានទីស្នាក់ការកណ្ដាលនៅទីក្រុងហុងកុង ដែលមានជំនាញលើ វិស័យ អភិវឌ្ឍអចលនទ្រព្យ វិនិយោគដីធ្លី និងសេវាកម្មហិរញ្ញវត្ថុ (trust and fund management)។ ចក្ខុវិស័យដ៏ធំបំផុតនៃ GCC គឺក្លាយជាអ្នកអភិវឌ្ឍអចលនទ្រព្យ ផ្តល់ជូនសេវាកម្មពេញលេញ 360० នៅក្នុងប្រទេសកម្ពុជា។ បច្ចុប្បន្ននេះ GCC មានក្រុមហ៊ុនបុត្រសម្ព័ន្ធចំនួន 7 ទៀត រួមមាន GC City, GC Land, GC Empire, GC Realty, GC Design, GC Management និង GC Credit ។ គម្រោងបច្ចុប្បន្នរបស់ GCC រួមមាន៖ បុរី ណាឌី ដោយជីស៊ី ស៊ីធី, CEO Wyndham Residence ផ្សារជីស៊ី អូរឫស្សី GC Residence ជ្រោយចង្វារ និង Lixin Century Innovation Park។
