(ភ្នំពេញ)៖ ក្រុមហ៊ុន GC City ដែលមានបុរី ណាឌី និងគម្រោងផ្សារជីស៊ី អូរឫស្សី បានរៀបចំកម្មវិធីជប់លៀងដំណាច់ឆ្នាំ២០២២ ចូល២០២៣ រួមទាំង ការចាប់ឆ្នោតផ្សងសំណាងនានា ដើម្បីលើកទឹកចិត្ត ដល់បុគ្គលិក ដែលខិតខំបំពេញតួនាទី និងការងារបានយ៉ាងល្អ ក្នុងឆ្នាំ២០២២នេះ។
បច្ចុប្បន្នក្រុមហ៊ុន GC City មានបុគ្គលិកជាច្រើននាក់បម្រើការងារក្នុងផ្នែកផ្សេងៗគ្នា នៃក្រុមហ៊ុនអចលនទ្រព្យមួយនេះ ដែលផ្តល់ការងារជាច្រើនកន្លែង ដល់ប្រជាពលរដ្ឋក្នុងតំបន់។ ក្រោមការយកចិត្តទុកដាក់ពី សំណាក់ថ្នាក់ដឹកនាំ ក្រុមហ៊ុន GC City បានជំរុញទឹកចិត្តបុគ្គលិកកាន់តែខិតខំធ្វើការ ជាពិសេសកម្មវិធីជប់លៀងដំណាច់ឆ្នាំ២០២២នេះ គឺជាការថ្លែងអំណរគុណពីសំណាក់ ម្ចាស់ក្រុមហ៊ុនដល់បុគ្គលិករបស់ខ្លួន ដែលធ្វើឡើងនៅ SOHO MALL។
លោក Henry Ng អគ្គនាយកប្រតិបត្តិក្រុមហ៊ុន GC City បានឲ្យដឹងថា «ក្នុងវិបត្តិកូវីដ១៩ ពីរឆ្នាំកន្លងមកនេះ ក្រុមហ៊ុនមានការវិវត្តន៍ដោយសារកិច្ចខិតខំប្រឹងប្រែង ពីសំណាក់បុគ្គលិកគ្រប់លំដាប់ថ្នាក់ ដែលយើងឆ្លងកាត់ពេលវេលាលំបាកបានទាំងអស់គ្នា។ លទ្ធផលវិជ្ជមានទាំងអស់នេះ គឺកើតចេញពីការចូលរួមពីសំណាក់បុគ្គលិក ដែលធ្វើឲ្យក្រុមហ៊ុនយើងទទួលបានការទទួលស្គាល់ ពីសំណាក់សាធារណជន»។
សូមបញ្ជាក់ថាបុរី ណាឌី ដែលស្ថិតក្រោមក្រុមហ៊ុន GC City គឺជាបុរីដែលពេញនិយមមួយនៅតំបន់ជ្រោយចង្វារដែលជាទីប្រជុំជន កំពុងរីកចំរើនលើគ្រប់វិស័យ។ បុរី ណាឌី មានជម្រើសលំនៅដ្ឋាន បែបទំនើបទាន់សម័យ និងមានផាសុកភាពសម្រាប់លោកអ្នកដូចជា ផ្ទះអាជីវកម្ម វីឡាកូនកាត់អាជីវកម្ម វីឡាភ្លោះ និងវីឡាទោល ដែលស្ថិតនៅលើផ្លូវរដ្ឋ២០ម៉ែត្រ ភ្ជាប់ទៅកាន់ទីក្រុងរណបលីយ៉ុងផាត់។
បុរី ណាឌី មានភាពលេចធ្លោក្នុងការអភិវឌ្ឍន៍លំនៅដ្ឋាន ជាមួយនឹងការរចនាទីធ្លា និងទេសភាពស្រស់ត្រកាលបែបធម្មជាតិ ជាមួយសួនសាគូរ៉ាបែបខ្មែរ ព្រមទាំងបឹងធម្មជាតិ ដែលរៀបចំរចនាប្លង់មេ ដោយក្រុមស្ថាបត្យករអន្តរជាតិ ដែលដើរតួយ៉ាងសំខាន់ ក្នុងការធ្វើឲ្យបុរី ណាឌី ជាទីចាប់អារម្មណ៍របស់អតិថិជន ស័ក្តិសមនឹងពាក្យស្លោករបស់បុរី ណាឌី គឺ «ទីចាប់ផ្តើមនៃលំនៅដ្ឋានរបស់អ្នក»។
គួរបញ្ជាក់ថា GC City ជាបុត្រសម្ព័ន្ធរបស់ The Golden Cambodia Century (GCC) ដែលជាគ្រុបវិនិយោគដ៏ធំមួយ ផ្តោតសំខាន់លើវិស័យធំៗចំនួនបី នៅក្នុងព្រះរាជាណាចក្រកម្ពុជា គឺវិស័យអភិវឌ្ឍន៍អចលនទ្រព្យ វិស័យវិនិយោគលើដីធ្លី និងវិស័យហិរញ្ញវត្ថុ។ ចំណែកបុរី ណាឌី ស្ថិតក្រោមការអភិវឌ្ឍន៍របស់ក្រុមហ៊ុន GC City ដែលផ្តោតអំពីការអភិវឌ្ឍន៍លំនៅដ្ឋានបែប បុរី។
សម្រាប់ព័ត៌មានបន្ថែម អស់លោកអ្នកអាចមកកាន់ការិយាល័យលក់ បុរី ណាឌី ដែលស្ថិតនៅបណ្តោយផ្លូវ៦អា ជិតវិទ្យាស្ថានជាតិកសិកម្មព្រែកលៀប ឬទំនាក់ទំនងតាមលេខទូរស័ព្ទ ០៨៥ ៨៨៧ ៨៨៥ ឬចូលទៅកាន់ផេកហ្វេសប៊ុកផ្លូវការ Borey NADI by GC City!៕
